لاہور میں ورکشاپ میں خوفناک آگ، متعدد بسیں جل گئیں

لاہور: گلشن راوی کے علاقے بند روڈ 5 نمبر ٹی کے قریب ایک ورکشاپ میں اچانک آگ بھڑک اٹھی، جس نے دیکھتے ہی دیکھتے ورکشاپ میں موجود متعدد بسوں کو اپنی لپیٹ میں لے لیا۔
ایدھی رضاکار موقع پر پہنچ کر امدادی کارروائیوں میں مصروف ہیں۔
ریسکیو 1122 کے مطابق گلشن راوی شبلی ٹاؤن بس اسٹینڈ پمپ والا بازار میں آگ لگنے کی اطلاع موصول ہوئی، جس کے بعد ریسکیو اہلکار اور ایمرجنسی گاڑیاں فوری طور پر جائے وقوعہ پر پہنچ گئیں۔
فائر فائٹرز آگ پر قابو پانے کی کوششوں میں مصروف ہیں جبکہ آپریشن جاری ہے۔