ساہیوال( نمائندہ خصوصی) چک 82 سکس آر پل کے نزدیک گٹر کی صفائی کے دوران دو مزدور شکیل اور سمر دم گھٹنے کی وجہ سے دم توڑ گئے۔ لاشوں کو ہسپتال منتقل کر دیا گیا ہے۔ بتایا گیا ہے کہ واسا نے ایک پرائیویٹ کمپنی کو سیوریج لائن کی صفائی کا ٹھیکہ دیا ہوا ہے۔ ٹھیکے دار نے دونوں مزدوروں کو صفائی کرنے کے کام پر رکھا ہوا تھا۔ صبح پانچ بجے کے قریب دونوں مزدور بغیر ماسک اور آکسیجن سلنڈر کے بغیر پائپ لائن میں اتر گیا جیسے ہی وہ نیچے اترے ان کا گندگی اور پہلے سے موجود گیس کی وجہ سے دم گھٹ گیا اور وہ بے ہوش ہو گئے جب انہیں نکالا گیا تو وہ دم توڑ چکے تھے۔ مرنے والے شکیل کا تعلق تحصیل سمندری اور سمر کا تعلق ٹوبہ ٹیک سنگھ سے تھا جو کہ مزدوری کے لیے ساہیوال آئے ہوئے تھے۔
