اسلام آباد: الیکشن کمیشن آف پاکستان نے مشعال یوسفزئی کی سینیٹ میں کامیابی کا نوٹیفکیشن جاری کر دیا ہے، جس کے مطابق وہ خیبرپختونخوا سے خواتین کی مخصوص نشست پر سینیٹر منتخب ہوئی ہیں۔
نوٹیفکیشن کے مطابق مشعال یوسفزئی سینیٹر ثانیہ نشتر کی خالی نشست پر منتخب ہوئی ہیں اور ان کی مدتِ سینیٹ 11 مارچ 2027 تک جاری رہے گی۔
الیکشن کمیشن نے سینیٹ سیکرٹریٹ کو مطلع کر دیا ہے کہ مشعال یوسفزئی آئندہ سینیٹ اجلاس میں اپنے عہدے کا حلف اٹھائیں گی۔
