سونے کی قیمت نے نیا ریکارڈ قائم کر دیا، عالمی و مقامی مارکیٹ میں مسلسل اضافہ

بین الاقوامی اور ملکی سطح پر سونے کی قیمتوں میں اضافے کا رجحان برقرار ہے اور آج نرخ نئی بلند ترین سطح پر پہنچ گئے ہیں۔
رپورٹ کے مطابق عالمی مارکیٹ میں فی اونس سونا 18 ڈالر کے اضافے کے بعد 3236 ڈالر کی نئی ریکارڈ سطح پر پہنچ گیا ہے۔
عالمی قیمتوں میں اضافے کے اثرات پاکستان میں بھی دیکھے گئے، جہاں مقامی مارکیٹ میں فی تولہ سونے کی قیمت میں 1800 روپے کا اضافہ ہوا۔ اس اضافے کے بعد سونا 3 لاکھ 40 ہزار 600 روپے فی تولہ کی بلند ترین سطح پر آ گیا۔
اسی طرح 10 گرام سونا بھی 1543 روپے مہنگا ہو کر 2 لاکھ 92 ہزار 9 روپے تک جا پہنچا۔