پاکستان نے افغان طالبان اور خارجی دہشت گردوں کے خلاف بھرپور جوابی کارروائی کرتے ہوئے درانی کیمپ 2 کو مکمل طور پر تباہ کر دیا۔ سیکیورٹی ذرائع کے مطابق کیمپ میں موجود 50 سے زائد طالبان اور خارجی ہلاک ہوئے۔ یہ کیمپ پاکستان میں دہشت گردانہ کارروائیوں کے لیے ایک اہم لانچ پیڈ کے طور پر کام کر رہا تھا۔
اسی طرح برابچا کے علاقے میں افغان طالبان کی سیکنڈ بٹالین ہیڈکوارٹر کو بھی نشانہ بنایا گیا، جہاں سے خارجی اور فتنۃ الہندوستان کے دہشت گرد لانچ کیے جاتے تھے۔ اس اسٹرائیک میں درجنوں طالبان اور خارجیوں کو جانی و مالی نقصان پہنچا۔
چمن بارڈر کے علاقے میں پاکستانی فورسز کی مؤثر کارروائی کے نتیجے میں طالبان اور خارجی دشمن پوسٹیں چھوڑ کر بھاگنے پر مجبور ہوئے۔ جاری ویڈیو میں دیکھا جا سکتا ہے کہ دشمن ناکام فرار کی کوشش کر رہا ہے جبکہ پاکستانی فورسز نے بروقت اور مؤثر کارروائی کے ذریعے انہیں انگیج کیا۔