شمالی وزیرستان: ماڑی انرجیز لمیٹڈ نے شمالی وزیرستان میں تیل اور گیس کے اہم ذخائر دریافت کرنے کا اعلان کیا ہے۔
کمپنی کی جانب سے جاری کردہ اعلامیے کے مطابق، ابتدائی اندازے کے تحت دریافت سے روزانہ تقریباً 2 کروڑ 4 لاکھ مکعب فٹ گیس حاصل کی جائے گی۔
علاوہ ازیں، اعلامیے میں یہ بھی بتایا گیا ہے کہ دریافت شدہ ذخائر سے روزانہ 117 بیرل خام تیل نکالا جائے گا، جو ملکی توانائی کی ضروریات کو پورا کرنے میں اہم کردار ادا کرے گا۔
