سونے کی قیمت میں آج پھر اضافہ

کراچی: ملک بھر میں سونے کی قیمت میں ایک بار پھر اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 900 روپے مہنگا ہو کر 3 لاکھ 62 ہزار 600 روپے تک پہنچ گیا ہے۔
اسی طرح 10 گرام سونے کی قیمت میں 772 روپے کا اضافہ ہوا جس کے بعد نیا بھاؤ 3 لاکھ 10 ہزار 871 روپے ہوگیا۔
عالمی مارکیٹ میں بھی سونے کی قیمت میں 9 ڈالر کا اضافہ دیکھا گیا جس کے بعد فی اونس قیمت 3399 ڈالر تک پہنچ گئی۔