پاکستانی اداکار بلال قریشی نے حکومت کی جانب سے مہنگائی میں کمی کے دعوے پر شدید ردعمل دیتے ہوئے سوشل میڈیا پر اپنی ناراضی کا اظہار کیا ہے۔
حکومت کی طرف سے کہا گیا تھا کہ 2024 سے پہلے مہنگائی میں اضافہ جاری تھا، جبکہ 2024 اور 2025 کے دوران صورتحال نسبتاً بہتر رہی اور 2026 میں مہنگائی میں واضح کمی ریکارڈ کی گئی ہے۔ اس بیان پر تقریب میں موجود افراد نے تالیاں بجا کر ردعمل دیا۔
بلال قریشی نے اس صورتحال پر سخت تنقید کرتے ہوئے انسٹاگرام اسٹوری میں لکھا کہ یہ تالیاں دراصل مہنگائی سے متاثر غریب عوام کے لیے ایک طمانچے کے مترادف ہیں۔ انہوں نے کہا کہ موجودہ معاشی حالات میں عام شہری شدید مشکلات کا شکار ہے اور اس کے پاس زندہ رہنے کے راستے محدود ہوتے جا رہے ہیں۔
اداکار کے اس بیان کے بعد سوشل میڈیا پر نئی بحث چھڑ گئی ہے، جہاں عوام نے مہنگائی اور معاشی دباؤ پر کھل کر اپنی رائے کا اظہار شروع کر دیا ہے۔
