وزیر اعظم نے بلال اظہر کیانی کو وزیر مملکت برائے خزانہ کا اضافی عہدہ دے دیا
وزیر اعظم شہباز شریف نے بلال اظہر کیانی کو وزیر مملکت برائے خزانہ کا اضافی قلمدان سونپ دیا ہے۔ کابینہ ڈویژن کی جانب سے جاری کردہ نوٹیفکیشن میں بتایا گیا ہے کہ یہ تقرری فوری طور پر نافذ العمل ہو گی۔
بلال اظہر کیانی اس سے قبل وزیر مملکت برائے ریلوے اور وزیر اعظم ڈیلیوری یونٹ کے سربراہ کے طور پر بھی ذمہ داریاں نبھا رہے ہیں۔ اب انہیں اضافی طور پر وزارتِ خزانہ کی ذمہ داری بھی سونپ دی گئی ہے۔
