سلام آباد: وزیراعظم شہباز شریف نے کہا ہے کہ قوم متحد ہے اور دہشت گردی کو ہر حال میں شکست دی جائے گی۔
پارلیمانی قومی سلامتی کمیٹی کے اجلاس سے ابتدائی خطاب میں وزیراعظم نے بلوچستان اور خیبرپختونخوا کی سکیورٹی صورتحال پر تشویش کا اظہار کیا۔ ان کا کہنا تھا کہ دہشت گردی کے خلاف پوری قوم یکجا ہے اور اسے جڑ سے اکھاڑ پھینکنے کے لیے پرعزم ہے۔ انہوں نے افسوس کا اظہار کیا کہ اپوزیشن رہنما اجلاس میں شریک نہیں ہوئے۔
وزیراعظم نے کہا کہ سکیورٹی فورسز دہشت گردی کے خلاف جنگ میں بے مثال قربانیاں دے رہی ہیں، جنہیں خراج تحسین پیش کرتا ہوں۔ انہوں نے مزید کہا کہ دہشت گردی ملک کے لیے ایک بڑا چیلنج بن چکی ہے، لیکن ہم اس کے مکمل خاتمے تک پیچھا نہیں چھوڑیں گے۔
