سونے کی قیمت نے نئی تاریخ رقم کر دی، آج پھر بڑا اضافہ

کراچی: عالمی اور مقامی مارکیٹوں میں سونے اور چاندی کی قیمتیں نئے ریکارڈ سطح تک پہنچ گئی ہیں۔
بین الاقوامی مارکیٹ میں فی اونس سونے کی قیمت میں 65 ڈالر کا اضافہ ہوا، جس کے بعد سونے کی قیمت 4,988 ڈالر فی اونس تک پہنچ گئی۔ اس عالمی اضافے کا اثر مقامی مارکیٹ میں بھی دیکھا گیا، جہاں 24 قیراط کے فی تولہ سونے کی قیمت میں 6,500 روپے کا اضافہ ہوا اور یہ 521,162 روپے تک پہنچ گئی۔ اسی طرح فی 10 گرام سونے کی قیمت میں بھی 5,573 روپے کا اضافہ ریکارڈ کیا گیا، جو اب 446,812 روپے ہو گئی ہے۔
چاندی کی قیمتوں میں بھی نمایاں اضافہ ہوا ہے، جہاں فی تولہ چاندی کی قیمت 526 روپے بڑھ کر 10,801 روپے ہو گئی اور فی 10 گرام چاندی کی قیمت میں 451 روپے کا اضافہ ریکارڈ کیا گیا، جو اب 9,260 روپے ہو گئی ہے۔