لاہور: نائب امیر جماعت اسلامی پاکستان لیاقت بلوچ نے کہا ہے کہ اسرائیلی قیادت نے دنیا بھر میں یہودیوں کے لیے خطرہ پیدا کر دیا ہے۔
اپنے بیان میں انہوں نے آسٹریلیا میں یہودیوں کی تقریب پر ہونے والے دہشت گرد حملے کی شدید مذمت کی۔
لیاقت بلوچ نے مزید کہا کہ 16 دسمبر کا دن دو قومی نظریہ کے مخالفین اور ہندوستان کے ایجنٹس کے لیے عبرت کا دن ہے، اور پاکستان و بنگلا دیش کے عوام مشترکہ خطرات سے آگاہ ہو چکے ہیں۔
انہوں نے کہا کہ 21 دسمبر کو ملک بھر میں بااختیار بلدیاتی نظام کے لیے دھرنے کیے جائیں گے، اور اسلام آباد و صوبائی حکومتوں سے مطالبہ کیا کہ عوام کے ساتھ مذاق بند کرکے حقیقی اختیارات فراہم کیے جائیں۔
نائب امیر جماعت اسلامی نے پیر عبدالرحیم نقشبندی اور پیر ذوالفقار احمد نقشبندی کے انتقال پر بھی تعزیت کا اظہار کیا۔
