عالمی اور ملکی مارکیٹوں میں آج سونے کی قیمتوں میں نمایاں کمی دیکھنے میں آئی ہے۔
بین الاقوامی بلین مارکیٹ میں سونے کی قیمت فی اونس 19 ڈالر گھٹ کر 4 ہزار 195 ڈالر پر پہنچ گئی، جو گزشتہ روز کے مقابلے میں واضح کمی ہے۔
عالمی منڈی میں اس کمی کا اثر براہِ راست پاکستان کی مقامی مارکیٹ پر بھی پڑا، جہاں فی تولہ سونا 1 ہزار 900 روپے کم ہو کر 4 لاکھ 41 ہزار 862 روپے کا ہو گیا۔
اسی طرح فی دس گرام سونے کی قیمت میں 1 ہزار 629 روپے کی کمی ریکارڈ کی گئی، جس کے بعد نئی قیمت 3 لاکھ 78 ہزار 825 روپے مقرر ہوئی۔
دوسری جانب، چاندی کی قیمتوں میں آج کوئی تبدیلی نہیں دیکھی گئی۔ فی تولہ چاندی 6 ہزار 102 روپے جبکہ فی دس گرام چاندی 5 ہزار 231 روپے پر مستحکم رہی۔
