لاہور: انسدادِ دہشت گردی کی خصوصی عدالت نے سانحہ 9 مئی سے متعلق تین مختلف کیسز میں پی ٹی آئی رہنما عمر ایوب کی ضمانتیں ختم کرنے کا حکم جاری کر دیا۔
عدالتی حکم کے مطابق، عمر ایوب کی ضمانتیں عدم پیروی کی وجہ سے خارج کی گئیں جبکہ ان کی حاضری سے استثنیٰ کی درخواست بھی مسترد کر دی گئی۔
انسدادِ دہشت گردی عدالت کے جج ارشد جاوید نے درخواستوں پر سماعت کی۔ عمر ایوب کے خلاف تھانہ گلبرگ، ماڈل ٹاؤن اور نصیر آباد میں درج مقدمات زیرِ سماعت ہیں۔
