اسلام آباد: انسداد دہشت گردی عدالت نے سنگجانی جلسہ کیس میں پی ٹی آئی کے رہنماؤں عمر ایوب اور زرتاج گل کو اشتہاری قرار دے دیا ہے۔
انسداد دہشت گردی عدالت کے جج طاہر عباس سپرا کی زیر صدارت سماعت کے دوران عدالت نے اشتہاری ملزمان کی جائیدادیں ضبط کرنے کا حکم بھی جاری کیا۔
عدالت نے دیگر ملزمان زین قریشی، علی بخاری، شیر افضل مروت اور شعیب شاہین کی حاضری سے استثنیٰ کی درخواستیں منظور کر لیں۔
کیس کی مزید سماعت 20 دسمبر تک ملتوی کر دی گئی ہے۔ سنگجانی پولیس اسٹیشن میں پی ٹی آئی رہنماؤں کے خلاف مقدمہ درج ہے۔
