ملتان ( مانیٹرنگ ڈیسک)آئی سی سی ورلڈکپ کے 34 ویں میچ میں افغانستان نے نیدرلینڈز کو 7 وکٹوں سے شکست دے کر ایونٹ میں چوتھی کامیابی حاصل کرلی۔لکھنؤ میں کھیلے گئے میچ میںافغان بولرز کے سامنے نیدرلینڈز کی ٹیم جم کرنہ کھیل سکی اور 47 ویں اوور میں 179 رنز پر آل آؤٹ ہوگئی ۔نیدرلینڈز کا 180 رنز کا ہدف افغانستان نے 32 ویں اوور میں 3 وکٹوں کے نقصان پر حاصل کرلیا۔نیدرلینڈز ویسلے بیریسی میچ کے پہلے اوورز میں ہی مجیب الرحمان کی پانچویں گیند پر ایک رن بناکر آؤٹ ہوگئے۔ اس کے بعد میکس اوڈاؤڈ رحمت اللہ عمر زئی کی گیند پر 42 رنز بنانے کے بعد رن آؤٹ ہوگئے ۔ کولن ایکرمین 29 رنز، اسکاٹ ایڈورڈز صفر ، بیسڈی لیڈی 3 رنز بناکر آؤٹ ہوگئے۔ وین ڈر مروے11، وین میکرین 4 اور ثاقب ذوالفقار نے 3 رنز سکورکیے جبکہ آریان دت 10 رنزبناکر ناٹ آؤٹ رہے۔
نیدرلینڈز کی طرف سے سائبرانڈ 58 رنزبناکرٹاپ اسکورر رہے۔افغان بولرز کے سامنے نیدرلینڈز کی پوری ٹیم 46.3 اوورز میں آل آؤٹ ہوگئی۔
افغانستان کے محمد نبی نے 3 وکٹیں حاصل کیں، نوراحمد نے 2 اور مجیب الرحمان نے ایک کھلاڑی کو آؤٹ کیا۔نیدرلینڈز کا 180 رنز کا ہدف افغانستان نے با آسانی 31 اوورز میں 3 وکٹوں کے نقصان پر حاصل کرلیا۔افغان ٹیم کے کپتان حشمت اللہ شاہدی 56 اور عظمت اللہ عمرزائی 31 رنز کے ساتھ ناقابل شکست رہے جبکہ رحمت شاہ نے 52 رنز کی اننگز کھیلی۔اس کے علاوہ ابراہیم زدران 20 اور رحمان اللہ گرباز 10 رنز بناکر آؤٹ ہوئے۔
