کراچی:عالمی اور مقامی مارکیٹوں میں بدھ کے روز سونے کی قیمت میں ایک بار پھر نمایاں اضافہ ریکارڈ کیا گیا۔
بین الاقوامی بلین مارکیٹ میں فی اونس سونا 35 ڈالر مہنگا ہو کر 3 ہزار 890 ڈالر کی بلند ترین سطح پر پہنچ گیا۔ عالمی سطح پر اس اضافے کا براہِ راست اثر مقامی صرافہ بازاروں میں بھی دیکھنے میں آیا۔
پاکستان میں 24 قیراط فی تولہ سونے کی قیمت 3 ہزار 500 روپے کے اضافے کے بعد 4 لاکھ 10 ہزار 278 روپے کی نئی بلند ترین سطح پر جا پہنچی، جبکہ فی 10 گرام سونا 3 ہزار 1 روپے مہنگا ہو کر 3 لاکھ 51 ہزار 747 روپے پر جا پہنچا۔
