اسلام آباد: سرکاری ملازمین کے لیے مایوس کن خبر سامنے آئی ہے، وزیر خزانہ محمد اورنگزیب نے عندیہ دیا ہے کہ آئندہ بجٹ میں تنخواہوں اور پنشن میں کوئی اضافہ زیر غور نہیں۔
قومی اسمبلی کے اجلاس میں وقفہ سوالات کے دوران وزیر خزانہ نے تحریری جواب میں ایوان کو آگاہ کیا کہ آئندہ مالی سال کے بجٹ میں سرکاری ملازمین کی تنخواہوں میں اضافہ کرنے کی کوئی تجویز موجود نہیں ہے۔
وزیر خزانہ نے واضح کیا کہ نہ ہی ملازمین کے الاؤنسز یا پے اسکیل میں ترمیم کا کوئی منصوبہ زیر غور ہے۔ البتہ، ملازمین کے لیے ہاؤس ہائرنگ اور سیلنگ کی حد میں اضافے کا معاملہ زیر غور ہے، تاہم پنشن میں بھی کسی قسم کے اضافے کی کوئی تجویز نہیں دی گئی۔
