بھارتی فلم انڈسٹری کے معروف اور سینیئر اداکار نانا پاٹیکر 75 سال کی عمر میں انتقال کرگئے۔
بھارتی میڈیا رپورٹس کے مطابق نانا پاٹیکر کو جمعرات کی صبح گوا کے ایک نجی اسپتال منتقل کیا گیا، جہاں ڈاکٹروں نے ان کی موت کی تصدیق کردی۔ ابتدائی طور پر اداکار کی موت کی وجہ دل کا دورہ بتائی جارہی ہے۔
رپورٹس کے مطابق نانا پاٹیکر گوا میں واقع اپنے فلیٹ میں موجود تھے جہاں انہوں نے سینے میں شدید درد کی شکایت کی، جس کے بعد وہ بے ہوش ہوگئے۔
نانا پاٹیکر کے بیٹے ملہار پاٹیکر کی فراہم کردہ معلومات کے مطابق اداکار کی طبیعت خراب ہونے کی اطلاع ملنے پر فوری طور پر طبی ٹیم کو فلیٹ پر روانہ کیا گیا۔ طبی عملہ وہاں پہنچا تو نانا پاٹیکر بے ہوشی کی حالت میں تھے، جنہیں فوری طور پر اسپتال منتقل کیا گیا۔
اسپتال پہنچنے کے بعد ڈاکٹروں نے صبح 5 بج کر 20 منٹ پر ان کی موت کی تصدیق کردی۔
بھارتی میڈیا کے مطابق نانا پاٹیکر کی موت کی حتمی وجہ جاننے کے لیے آج ان کا پوسٹ مارٹم کیے جانے کا امکان ہے۔
