بورے والا،لڈن(نمائندہ خصوصی)ساہوکا کے نواحی علاقے میں نئی نویلی دلہن پر مبینہ تشدد، شوہر نے کمرے میں بند کر دیا، 15 پر کال کے بعد ساہوکاپولیس نے بازیاب کرا لیا کاروائی کے لیے تھانہ ساہوکا میں درخواست دے دی پولیس نے کاروائی کرتے ہوئے خاتون کے شوہر کو گرفتارکر لیا تفصیلات کے مطابق تھانہ ساہوکا کے نواحی علاقے چک نمبر 36/K-B کے رہائشی مختار احمد گاذر پر اپنی اہلیہ ثمینہ بی بی سے ایک مہینہ پہلے شادی ہوئی تھی کہ گزشتہ روز مختار احمد گاذر نے مبینہ طور پر اپنی بیوی ثمینہ بی بی کو بہیمانہ تشدد کا نشانہ بنایااور مبینہ طور پر کئی گھنٹے تک کمرے میں حبس بے جا میں رکھا گیا۔اس دوران مغویہ نے مدد کے لیے 15 پر پولیس کو اطلاع دی ۔اطلاع ملتے ہی ساہوکا پولیس موقع پر پہنچ گئی اور متاثرہ خاتون کو کمرے سے بازیاب کرا لیا پولیس نے واقعے سے متعلق شواہد اکٹھے کرتے ہوئے مزید کارروائی شروع کر دی ہے متاثرہ خاتون نے شوہر پر تشدد اور حبس میں رکھنے کی درخواست تھانہ ساہوکا میں دائر کر دی پولیس تھانہ ساہوکا نے کاروائی کرتے دلہن ہر تشدد کرنے والے اس کے شوہر مختار احمد کو گرفتارکر لیا ۔
