لودھراں(بیورو رپورٹ)موضع سمرا کی رہائشی کوثر بی بی نے گزشتہ روز اپنے بیٹے کے ہمراہ لودھراں پریس کلب میں پریس کانفرنس کرتے ہوئے الزام لگایا کہ اس کے ہمسائے بشیر نے اپنے گھر کے سامنے سڑک پر غیر قانونی طور پر جمپ بنا رکھا ہے 21اگست کو میرا بیٹادکان سے سامان لینے باہر گیا تو جمپ سے اس کے پاؤں پر چوٹ لگ گئی جس پر اس نے جمپ توڑا تو ملزم بشیر نے اپنے ساتھیوں کے ہمراہ اسے تشدد کا نشانہ بنایا۔جب میرا بیٹا اپنی جان بچانے کے لئے گھر کے اندر بھاگا تو ملزمان بشیر،نصیر،اکمل،سرفراز،حسن کلثوم،رخسانہ اور چار نامعلوم زبردستی گھر میں داخل ہو گئے اور ہمیں تشدد کا نشانہ بناتے ہوئے میرے سر میں کلہاڑی کا وار کر کے سر پھاڑ دیا اور میرے بیٹے کی آنکھ کی ہڈی توڑ دی۔ہم نے 15اور ریسکیو1122کو کال کی تو پولیس اور ریسکیو1122کی ٹیم موقع پر پہنچ گئی ۔پولیس تھانہ سٹی لودھراں نے ہمارا میڈیکل کروایا اور ملزمان کے خلاف مقدمہ نمبر 1305/26بجرم 354ت پ درج کیا ۔کوثر بی بی نے یہ بھی الزام لگایا کہ پولیس نے مقدمہ درج کرتے وقت دفعات درست نہیں لگائیں اور نہ ہی ملزمان کو گرفتار کر رہی ہے ۔جس کی وجہ سے ملزمان ہمیں سنگین نتائج کی دھمکیاں دے رہے ہیں۔اور ہمیں جان کا خطرہ ہے ۔کوثر بی بی نے وزیر اعلیٰ پنجاب ،آئی جی پنجاب پولیس اور ڈی پی او لودھراں سے اپیل کی ہے کہ ہمیں تحفظ فراہم کرتے ہوئے ملزمان کو گرفتار کر کے انصاف دلایا جائے۔
