سونے کی قیمتوں میں مسلسل اضافہ، عوام کی پہنچ سے مزید دور 

عالمی اور ملکی سطح پر سونے کی قیمتوں میں اضافے کا رجحان بدستور برقرار ہے اور آج بھی سونا مزید مہنگا ہوگیا۔ بین الاقوامی بلین مارکیٹ میں سونے کی فی اونس قیمت 13 ڈالر اضافے کے بعد 4 ہزار 338 ڈالر تک جا پہنچی۔ عالمی منڈی میں اضافے کے اثرات مقامی مارکیٹ پر بھی مرتب ہوئے، جس کے نتیجے میں ملک میں فی تولہ سونے کی قیمت 1300 روپے بڑھ کر 4 لاکھ 56 ہزار 162 روپے کی سطح پر پہنچ گئی۔ اسی طرح دس گرام سونے کی قیمت میں بھی 1115 روپے کا اضافہ ریکارڈ کیا گیا، جس کے بعد نئی قیمت 3 لاکھ 91 ہزار 85 روپے ہوگئی۔