اسلام آباد: جے یو آئی نے 27ویں آئینی ترمیم کے حق میں ووٹ نہ دینے کا فیصلہ کر لیا ہے۔
جے یو آئی کے مرکزی رہنما اور سینیٹر کامران مرتضیٰ نے میڈیا سے گفتگو کرتے ہوئے کہا کہ ہمیں حکومت پر مکمل اعتماد نہیں اور ہم ہر پہلو پر تحفظات رکھتے ہیں۔ ان کا کہنا تھا کہ 27ویں ترمیم کے ذریعے 26ویں ترمیم کو رول بیک کیا گیا ہے۔
سینیٹر کامران مرتضیٰ نے مزید کہا کہ حکومت نے ہمیں ترمیم پڑھنے کی اجازت نہیں دی، تاہم ہم مشترکہ کمیٹی میں جا کر اپنے تحفظات اور تجاویز پیش کرنا چاہتے ہیں۔
انہوں نے کہا کہ اگر ترمیم پاس ہو جائے تو پاکستان کے لیے خطرہ ہو سکتا ہے، اور اگر حکومت اسے منظور کرانا چاہتی ہے تو طاقت کے زور پر جو کرنا ہے کرے۔
کامران مرتضیٰ نے یہ بھی بتایا کہ اس معاملے پر کوئی مناسب بحث نہیں ہو رہی، اور پارلیمان کی وقعت پہلے جیسی نہیں رہی۔ ان کا کہنا تھا کہ یہاں لوگ بس کھانے کے لیے آتے ہیں، جبکہ پی ٹی آئی اور جے یو آئی اپوزیشن جماعتیں ہیں۔
