واشنگٹن: امریکہ نے یوکرین کو جدید فضائی دفاعی نظام فراہم کرنے کی منظوری دے دی ہے، جس کی مجموعی مالیت تقریباً 179 ملین ڈالر ہے۔
امریکی محکمہ خارجہ نے تصدیق کی ہے کہ یوکرین کو پیٹریاٹ ایئر ڈیفنس سسٹم فروخت کرنے کا منصوبہ تیار کیا گیا ہے۔ حکام کے مطابق اس معاہدے کی کل قیمت 179 ملین ڈالر ہے۔
گزشتہ ماہ امریکی صدر ڈونلڈ ٹرمپ نے بھی اعلان کیا تھا کہ امریکا یوکرین کو پیٹریاٹ ایئر ڈیفنس سسٹمز فراہم کرے گا تاکہ روسی حملوں کا مؤثر مقابلہ کیا جا سکے۔ یہ ہتھیار نیٹو اتحادی ممالک کی مشترکہ مالی شراکت کے تحت فراہم کیے جائیں گے۔
