پنجاب: پنجاب بار کونسل کی ہڑتال کی کال پر ماتحت عدالتوں میں وکلا کی جزوی ہڑتال جاری ہے، جس کے باعث متعدد کیسز بغیر کارروائی کے ملتوی کیے جا رہے ہیں۔
پنجاب بار کونسل نے وکلا کے خلاف درج مقدمات کے فوری خارج کرنے کا مطالبہ کیا ہے۔ مختلف شہروں میں وکلاء کے خلاف مقدمات دائر کیے گئے ہیں، اور بار کونسل کی اپیل پر آج ہائی کورٹ اور ماتحت عدالتوں میں مکمل ہڑتال کی گئی ہے۔
وکلا احتجاج کے طور پر عدالتوں میں پیش نہیں ہو رہے، جس کے نتیجے میں ڈیوٹی ایڈیشنل سیشن اور سول ججز نے بغیر سماعت تاریخیں مقرر کرنا شروع کر دی ہیں۔
صدر بار منظر بشیر نے مطالبہ کیا کہ آئی جی پنجاب وکلاء کے خلاف مقدمات فوری واپس لیں، بصورت دیگر سخت احتجاج کیا جائے گا۔
سیکرٹری بار اسد ملک نے کہا کہ وکلا اپنے کالے کوٹ کا تحفظ کریں گے اور کیسوں سے نہیں ڈریں گے۔
