اسلام آباد: سپریم کورٹ میں پاکستان تحریک انصاف کے بانی عمران خان کی 9 مئی کے مقدمات میں دائر ضمانت کی درخواستوں پر سماعت بغیر کسی کارروائی کے مؤخر کر دی گئی۔
چیف جسٹس پاکستان یحییٰ آفریدی کی سربراہی میں دو رکنی بینچ ان اپیلوں پر سماعت کے لیے عدالت میں موجود تھا۔ سماعت کے آغاز پر عمران خان کے وکیل سلمان اکرم راجہ عدالت میں پیش ہوئے اور معزز جج صاحبان سے سماعت ملتوی کرنے کی درخواست کی۔
عدالت نے وکیل کی درخواست منظور کرتے ہوئے عمران خان کی ضمانت کی اپیلوں پر آئندہ سماعت 12 اگست کو مقرر کر دی۔
