پاکستان میں مون سون بارشوں کا پانچواں مرحلہ آج سے شروع ہونے جا رہا ہے، جس کے تحت ملک کے شمالی، وسطی اور جنوبی پنجاب کے علاوہ بلوچستان کے بعض علاقوں میں بارش کا امکان ظاہر کیا گیا ہے۔
محکمہ موسمیات کے مطابق، یہ نیا بارشوں کا سلسلہ زیادہ تر بالائی علاقوں اور پنجاب کو متاثر کرے گا۔ دوسری جانب، لاہور میں کمزور مون سون سسٹم کی موجودگی کے باعث گرمی کی شدت میں اضافہ دیکھا جا رہا ہے اور حبس نے موسم کو مزید ناگوار بنا دیا ہے۔
محکمہ موسمیات کا کہنا ہے کہ لاہور میں موسلا دھار بارش کے بجائے ہلکی پھوار متوقع ہے۔ شہر میں آج کم سے کم درجہ حرارت 29 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 36 ڈگری سینٹی گریڈ تک پہنچنے کی پیش گوئی ہے۔ مجموعی طور پر موسم گرم اور خشک رہنے کا امکان ہے، البتہ بعض مقامات پر ہلکی بارش ہو سکتی ہے۔
پاکستان ٹیکسٹائل ملز ایسوسی ایشن (پی ٹی ایم اے) کے مطابق مون سون کا یہ اسپیل 31 جولائی تک جاری رہ سکتا ہے۔
دوسری جانب، مون سون بارشوں کے اس نئے مرحلے سے نمٹنے کے لیے واسا، ایل ڈبلیو ایم سی، بلدیاتی ادارے اور محکمہ ہاؤسنگ پیشگی اقدامات کرنے میں مصروف ہیں تاکہ شہریوں کو ممکنہ مشکلات سے بچایا جا سکے۔
