سیالکوٹ : وزیر اعلیٰ خیبرپختونخوا علی امین گنڈاپور کی خصوصی ہدایت پر سانحہ سوات کے متاثرہ خاندانوں کی مالی معاونت کے لیے 2 کروڑ روپے کی امدادی رقم ڈسکہ، سیالکوٹ منتقل کر دی گئی۔
پاکستان تحریک انصاف کے سیکرٹری جنرل سلمان اکرم راجہ، ایم این اے فیصل امین گنڈاپور اور پارٹی رہنما ریحانہ ڈار نے ڈسکہ کا دورہ کیا۔ انہوں نے سانحہ سوات میں جاں بحق افراد کے اہل خانہ سے ملاقات کی اور تعزیت کا اظہار کیا۔
پی ٹی آئی کے وفد نے متاثرہ خاندانوں کو امدادی چیک بھی پیش کیے۔ اس موقع پر وفد نے یقین دہانی کرائی کہ پارٹی اور خیبرپختونخوا حکومت ان کے ساتھ مکمل تعاون جاری رکھے گی اور ہر ممکن سہولت فراہم کی جائے گی۔
