ایرانی فوج نے ایک بار پھر اسرائیلی جنگی طیارہ مار گرانے اور پائلٹ کو گرفتار کرنے کا دعویٰ کیا ہے۔
مہر خبر رساں ایجنسی کے مطابق ایران کی فضائی دفاعی فورس نے مغربی فضائی حدود میں اسرائیل کا جدید F-35 طیارہ تباہ کر دیا۔ رپورٹ میں بتایا گیا کہ طیارے کا پائلٹ حادثے سے پہلے ایجیکشن میں کامیاب رہا، مگر ایرانی کمانڈوز نے اسے حراست میں لے لیا ہے۔
حکام کے مطابق اس واقعے کی مزید تفصیلات جلد جاری کی جائیں گی۔
واضح رہے کہ اس سے قبل بھی ایرانی میڈیا نے دو اسرائیلی ایف 35 طیارے گرانے اور ایک خاتون پائلٹ کو گرفتار کرنے کا دعویٰ کیا تھا، جسے اسرائیلی افواج نے مسترد کر دیا تھا۔
