ملتان (عوامی رپورٹر) لودھراں کے ڈسٹرکٹ ہسپتال میں گزشتہ 18 روز سے گردوں کے ڈائیلسز کی مشینیں مسلسل بند رہنے کی وجہ سے ایک خاتون زندگی کی بازی ہار گئی اور ہسپتال کا مستقل ایم ایس نہ ہونے کی وجہ سے کوئی بھی شخص جواب دے نہیں ہو رہا جب کہ بہاولپور کڈنی یونٹ کے انچارج ڈاکٹر نسیم ملک لودھرں اور گرد و نواح کے مریضوں کو اکاموڈیٹ نہیں کر رہے جس کی وجہ سےتین مریضوں کو تشویش ناک حالت میں رحیم یار خان اور ملتان شفٹ کیا گیا ہے۔ مریضوں نے اپنے منتخب نمائندے صدیق خان بلوچ کے ساتھ رابطہ کیا۔ صدیق خان بلوچ نے ضلعی انتظامیہ کو فوری انتظامات کرنے کے لیے ہدایت کی مگر ان کی بات کسی نے نہ سنی۔ ضلع لودھراں میں گردوں کے عارضے میں مبتلا مریض اس صورتحال کی وجہ سے زندگی اور موت کی کشمکش میں مبتلا ہیں۔
