لاہور: انسدادِ دہشتگردی عدالت نے 9 مئی کے دو مختلف مقدمات میں سابق وزیر خزانہ کی بیٹی خدیجہ شاہ سمیت متعدد ملزمان کے وارنٹ گرفتاری جاری کر دیے۔
عدالتی حکم کے مطابق خدیجہ شاہ جناح ہاؤس اور عسکری ٹاور حملہ کیس میں ٹرائل کے لیے پیش نہیں ہوئیں جس پر ان کے وارنٹ گرفتاری جاری کیے گئے۔
مزید برآں، عدالت نے 8 دیگر ملزمان عمران، فائزہ عظمت، عثمان، احمد مرسلین، حمزہ سہیل اور محمد خالد کے وارنٹ بھی جاری کر دیے۔
دوسری جانب عدالت نے عبدالرزاق اور صفدر کو مقدمے میں پیش نہ ہونے پر اشتہاری قرار دینے کی کارروائی شروع کرنے کی ہدایت دی۔ یہ دونوں ملزمان جناح ہاؤس حملہ کیس میں نامزد ہیں اور وارنٹ گرفتاری کے باوجود عدالت میں حاضر نہیں ہوئے۔
