رحیم یار خان: نواحی علاقے چک نمبر 182/P میں مبینہ گھریلو ناچاقی کے بعد ایک خاتون نے اپنے چار بچوں سمیت نہر میں چھلانگ لگا دی۔
ریسکیو 1122 کے مطابق خاتون کو بحفاظت نہر سے نکال لیا گیا، جبکہ چاروں بچوں کی تلاش کے لیے سرچ آپریشن جاری ہے۔
ریسکیو حکام کے مطابق لاپتا بچوں کی عمریں تقریباً ڈھائی سال سے 10 سال کے درمیان ہیں۔ بچوں کی شناخت علی حسن، آیان، ریان اور طیبہ کے ناموں سے ہوئی ہے۔
ریسکیو کا کہنا ہے کہ نہر کی گہرائی تقریباً 10 فٹ اور چوڑائی 30 فٹ ہے، جس کے باعث سرچ آپریشن میں مشکلات کا سامنا ہے۔ ریسکیو ٹیمیں بچوں کی تلاش کے لیے مسلسل کارروائی میں مصروف ہیں۔
