صدر مملکت آصف علی زرداری نے اپنا دورہ یورپ مختصر کرنے کا فیصلہ کیا ہے اور وہ برطانیہ کا دورہ مکمل کرنے کے بعد 8 ستمبر کو پاکستان کے لیے روانہ ہوں گے۔
ذرائع کے مطابق صدر آصف علی زرداری نے فرانس کا طے شدہ دورہ منسوخ کردیا ہے۔ انہیں فرانس میں دو روز قیام کرنا تھا، تاہم اب وہ برطانیہ سے ہی پاکستان واپس روانہ ہوں گے۔
ذرائع کا کہنا ہے کہ صدر مملکت کی برطانیہ میں موجودگی کے دوران وزیر داخلہ محسن نقوی نے بھی ان سے ملاقات کی، جبکہ چیئرمین پاکستان پیپلز پارٹی بلاول بھٹو زرداری نے بھی لندن میں صدر آصف علی زرداری سے ملاقات کی تھی۔
