کراچی: امریکی شرح سود میں اضافے کے امکانات کے باعث عالمی سطح پر سونے کی قیمت میں کمی کا سلسلہ جاری ہے، جس کے اثرات پاکستان کی صرافہ مارکیٹ میں بھی دیکھنے میں آئے ہیں۔
آل پاکستان صرافہ جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت میں 12 ہزار 800 روپے کی کمی ہوئی ہے، جس کے بعد سونا 4 لاکھ 38 ہزار 136 روپے فی تولہ ہوگیا۔
ایسوسی ایشن کے مطابق 10 گرام سونے کی قیمت بھی 10 ہزار 973 روپے کم ہوئی، جس کے بعد نئی قیمت 3 لاکھ 75 ہزار 631 روپے ہوگئی ہے۔
دوسری جانب عالمی مارکیٹ میں بھی سونے کی قیمت میں نمایاں کمی ریکارڈ کی گئی۔ عالمی بازار میں سونے کی فی اونس قیمت 128 ڈالر کم ہوکر 4 ہزار 156 ڈالر فی اونس ہوگئی ہے۔
