سونے کی قیمت میں بڑا اضافہ، فی تولہ سونے کی قیمت کیا ہوگئی؟

کراچی: ملکی صرافہ بازار میں سونے کی قیمت میں نمایاں اضافہ ریکارڈ کیا گیا، جس کے بعد فی تولہ سونا مزید مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق آج فی تولہ سونے کی قیمت میں 4 ہزار روپے کا اضافہ ہوا، جس کے بعد نئی قیمت 4 لاکھ 31 ہزار 736 روپے تک پہنچ گئی۔
اسی طرح 10 گرام سونے کی قیمت میں 3 ہزار 430 روپے کا اضافہ ریکارڈ کیا گیا، جس کے بعد اس کی نئی قیمت 3 لاکھ 70 ہزار 143 روپے ہوگئی۔
دوسری جانب عالمی بلین مارکیٹ میں بھی سونے کی قیمت میں اضافہ دیکھا گیا، جہاں فی اونس سونا 40 ڈالر مہنگا ہو کر 4 ہزار 93 ڈالر کی سطح پر پہنچ گیا۔