سونے اور چاندی کی قیمتوں میں کمی، عالمی و مقامی مارکیٹوں میں نرخ نیچے آگئے

کراچی: عالمی بلین مارکیٹ میں سونے اور چاندی کی قیمتوں میں کمی کے اثرات پاکستان کی مقامی صرافہ مارکیٹ پر بھی دیکھنے میں آئے، جہاں دونوں قیمتی دھاتوں کے نرخ کم ہوگئے۔
بین الاقوامی مارکیٹ میں فی اونس سونے کی قیمت 24 ڈالر کمی کے بعد 4 ہزار 150 ڈالر تک آگئی، جس کے باعث مقامی صرافہ بازار میں 24 قیراط فی تولہ سونا 2 ہزار 400 روپے سستا ہو کر 4 لاکھ 37 ہزار 436 روپے کا ہوگیا۔
اسی طرح 10 گرام سونے کی قیمت میں 2 ہزار 58 روپے کی کمی ریکارڈ کی گئی، جس کے بعد اس کی نئی قیمت 3 لاکھ 75 ہزار 30 روپے ہوگئی۔
دوسری جانب عالمی مارکیٹ میں فی اونس چاندی کی قیمت 37 سینٹس کم ہو کر 62 ڈالر پر آگئی، جس کے نتیجے میں مقامی مارکیٹ میں فی تولہ چاندی 37 روپے سستی ہو کر 6 ہزار 679 روپے جبکہ 10 گرام چاندی 31 روپے کمی کے بعد 5 ہزار 726 روپے میں فروخت ہونے لگی۔