میرپورخاص(بیورو چیف شہزاد خان صابری)آپریشن سرکل حیسکو میرپورخاص کی جانب سے سپریڈنٹ آپریشن سرکل میرپورخاص امیر احمد میمن کی سربراہی میں لائن مین سیفٹی آگاہی سیمینار کا انعقاد کیا گیا،سیمینار میں سیفٹی سے متعلق اہم امور پر روشنی ڈالی گئی اور فیلڈ اسٹاف کو جدید حفاظتی اصولوں سے متعلق آگاہی فراہم کی گئی،اس موقعے پر سپرٹینڈنٹ پرنسپل حیسکو سیفٹی جامشورو صفدر میمن،حیسکو ہائیڈرو الیکٹرک ورکرز یونین CBA رہنماء سیدشاہد کاظمی، سکندر علی مہر سمیت حیسکو کے لائن مینوں کی کثیر تعداد موجود تھی،سیفٹی آگاہی سیمینار سے خطاب کرتے ہوئے مقررین نے لائن مین کی جانوں کے تحفظ کو اولین ترجیح قرار دیتے ہوئے حفاظتی اقدامات کو ہر صورت اختیار کرنےپر زور دیا،سیمینار کے اختتام پر سوال و جواب کا سیشن ہوا کہ جس میں لائن مینوں نے اپنی عملی مشکلات اور تحفظات سے افسران کو آگاہ کیا،منتظمین نے سیمینار کو حیسکو ملازمین کی پیشہ ورانہ تربیت کیلئے اہم سنگ میل قرار دیا۔
