لاہور: اسٹیج اداکارہ عروج پر تشدد اور مبینہ جنسی زیادتی کے مقدمے میں اہم پیش رفت سامنے آئی ہے۔ سیشن کورٹ لاہور نے ملزم ناصر خان کو 24 اگست تک گرفتار کرنے سے روک دیا۔
عدالت نے ملزم کو شاملِ تفتیش ہونے کی ہدایت کرتے ہوئے آئندہ سماعت پر پولیس سے مقدمے کا مکمل ریکارڈ بھی طلب کرلیا۔
ایڈیشنل سیشن جج عدیلہ الطاف نے کیس کی سماعت کی۔ عدالت میں ملزم کی جانب سے درخواست پر مؤقف سنا گیا، جس کے بعد گرفتاری سے متعلق عبوری حکم جاری کیا گیا۔
پولیس کے مطابق ناصر خان کے خلاف تھانہ سبززار میں مقدمہ درج ہے۔ عدالت نے کیس کی مزید سماعت 24 اگست تک ملتوی کرتے ہوئے پولیس کو مقدمے کا ریکارڈ پیش کرنے کی ہدایت کردی۔
