کراچی کے نیشنل اسٹیڈیم میں کھیلے گئے چیمپئنز ٹرافی 2025 کے افتتاحی میچ میں نیوزی لینڈ نے پاکستان کو جیت کے لیے 321 رنز کا ہدف دے دیا۔
کیوی ٹیم نے پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 320 رنز بنائے۔ ول ینگ نے 107 اور ٹام لیتھم نے ناقابل شکست 118 رنز کی شاندار اننگز کھیلی۔ پاکستان کی جانب سے نسیم شاہ اور حارث رؤف نے دو، جب کہ ابرار احمد نے ایک وکٹ حاصل کی۔
میچ کے آغاز سے قبل چیمپئنز ٹرافی کی افتتاحی تقریب میں پاک فضائیہ کے طیاروں نے شاندار فلائی پاسٹ کا مظاہرہ کیا، جس میں جے ایف 17 اور ایف 16 طیارے بھی شامل تھے۔