پولیو کے خاتمے کے لیے وزیراعظم کا نیا پلان، والدین سے تعاون کی اپیل

وزیراعظم محمد شہباز شریف نے کہا ہے کہ بچوں کے محفوظ مستقبل کے لیے پولیو کا خاتمہ ناگزیر ہے، اور حکومت اس مقصد کے لیے مکمل طور پر عزم مصمم ہے۔
اسلام آباد میں انسداد پولیو کی 7 روزہ قومی مہم کا آغاز کرتے ہوئے وزیراعظم نے بچوں کو پولیو کے قطرے پلا کر اس مہم کا باضابطہ آغاز کیا۔
وزیراعظم کا کہنا تھا کہ بچوں کا محفوظ مستقبل یقینی بنانے کے لیے پولیو کا خاتمہ ضروری ہے، اور اس میں حکومت کی مکمل توجہ مرکوز ہے۔
شہباز شریف نے کہا کہ پولیو کے خاتمے کے لیے ایک مربوط حکمت عملی اور مشترکہ کوششوں کی ضرورت ہے۔ 21 اپریل سے 27 اپریل تک جاری رہنے والی انسداد پولیو مہم کے دوران پولیو ورکرز کی سیکیورٹی کے لیے خصوصی انتظامات کیے گئے ہیں۔
انہوں نے والدین سے اپیل کی کہ وہ انسداد پولیو مہم میں بھرپور تعاون کریں اور پانچ سال سے کم عمر بچوں کو پولیو کے قطرے پلوائیں تاکہ مہم کامیاب ہو سکے۔