پشاور:نیب خیبر پختونخوا نے سابق وزیر اعلیٰ پرویز خٹک اور شہاب علی شاہ کے خلاف پشاور بس ریپڈ ٹرانزٹ (بی آر ٹی) منصوبے میں مبینہ کرپشن کی تحقیقات روک دی ہیں۔
قومی احتساب بیورو کے ترجمان کے مطابق پشاور بی آر ٹی کرپشن کیس میں دونوں افراد کے خلاف کوئی قابلِ ذکر شواہد سامنے نہیں آئے۔ نیب نے پشاور ڈیولپمنٹ اتھارٹی کو مراسلہ بھیج کر اس بات سے آگاہ کر دیا ہے۔
ترجمان نے مزید بتایا کہ اس کیس میں سابق چیف سیکریٹری اور تین چینی کنٹریکٹرز کے خلاف بھی کارروائی روک دی گئی ہے۔
بی آر ٹی منصوبہ سابق وزیر اعلیٰ پرویز خٹک کے دور حکومت میں شروع کیا گیا تھا، جبکہ شہاب علی شاہ اس وقت خیبر پختونخوا کے سیکریٹری منصوبہ بندی و ترقی تھے۔
