ٹیکس فراڈ میں ملوث تاجروں کی گرفتاری کی تجویز پر وزیراعظم شہباز شریف کا نوٹس
اسلام آباد: وزیراعظم شہباز شریف نے ایف بی آر کی جانب سے بجٹ میں ٹیکس چور تاجروں کی گرفتاری کی تجویز پر نوٹس لے لیا ہے۔
ذرائع کے مطابق وزیراعظم کی زیر صدارت ہونے والے اجلاس میں وزیر خزانہ محمد اورنگزیب، چیئرمین ایف بی آر اور دیگر اعلیٰ حکام شریک ہوئے۔ اجلاس کے دوران فنانس بل میں شامل اس تجویز پر بریفنگ دی گئی جس کے تحت ٹیکس فراڈ میں ملوث تاجروں کو گرفتار کرنے اور 10 سال تک قید کی سزا دینے کی سفارش کی گئی ہے۔
اجلاس میں وزیر قانون سمیت دیگر متعلقہ حکام نے بھی شرکت کی۔
واضح رہے کہ پاکستان بزنس کونسل نے وزیراعظم کو باقاعدہ طور پر خط لکھ کر ایف بی آر کے اختیارات پر نظرثانی کی درخواست کی تھی۔
