کراچی: اسٹیٹ بینک کے مطابق ملکی زرمبادلہ کے سرکاری ذخائر میں گزشتہ ہفتے کے دوران 7 کروڑ ڈالر کا اضافہ ریکارڈ کیا گیا۔ اسٹیٹ بینک کی جاری کردہ رپورٹ کے مطابق 28 مارچ تک سرکاری ذخائر 10 ارب 67 کروڑ 63 لاکھ ڈالر کی سطح پر پہنچ گئے۔سرکاری ذخائر میں اضافے کے بعد قومی مجموعی زرمبادلہ ذخائر کی مالیت 15 ارب 57 کروڑ 97 لاکھ ڈالر ریکارڈ کی گئی۔ اسٹیٹ بینک کے مطابق اس وقت کمرشل بینکوں کے پاس 4 ارب 90 کروڑ 34 لاکھ ڈالر کے ذخائر موجود ہیں۔
