اسلام آباد کی اسپیشل سینٹرل ایف آئی اے عدالت نے چیئرمین پی ٹی آئی عمران خان کی دو درخواستیں منظور کر لی ہیں، جن میں انہوں نے بچوں سے فون پر بات کرنے اور ذاتی معالج سے طبی معائنہ کروانے کی اجازت طلب کی تھی۔
جج شاہ رخ ارجمند نے فریقین کے دلائل سننے کے بعد فیصلہ محفوظ کیا، جسے بعد میں سنا دیا گیا۔ عدالت نے واضح حکم دیا کہ عمران خان کا چیک اپ ان کے ذاتی ڈاکٹرز کی موجودگی میں جیل کے ڈاکٹروں کے ساتھ مل کر کرایا جائے گا۔
عدالت نے ہدایت دی کہ عمران خان کو اپنے بچوں سے بات کرنے کی سہولت بھی دی جائے اور ان احکامات پر عملدرآمد کی رپورٹ 28 اپریل کو عدالت میں جمع کروائی جائے۔
