عالمی و مقامی مارکیٹ میں سونا سستا، چاندی مزید مہنگی

کراچی: عالمی اور مقامی مارکیٹوں میں سونے کی قیمت میں نمایاں کمی ریکارڈ کی گئی ہے جبکہ چاندی کی قیمت میں اضافہ دیکھنے میں آیا ہے۔
تفصیلات کے مطابق بین الاقوامی بلین مارکیٹ میں فی اونس سونا 11 ڈالر کمی کے بعد 3 ہزار 657 ڈالر پر آگیا۔ اس کے اثرات مقامی مارکیٹ پر بھی پڑے جہاں جمعہ کے روز 24 قیراط فی تولہ سونے کی قیمت 1100 روپے کم ہوکر 3 لاکھ 87 ہزار 500 روپے رہ گئی۔
اسی طرح فی 10 گرام سونا 943 روپے کمی کے بعد 3 لاکھ 32 ہزار 218 روپے کی سطح پر پہنچ گیا۔
دوسری جانب چاندی کی قیمت میں اضافہ دیکھنے میں آیا۔ فی تولہ چاندی 29 روپے بڑھ کر 4 ہزار 447 روپے جبکہ فی 10 گرام چاندی 25 روپے اضافے سے 3 ہزار 812 روپے پر جا پہنچی۔