اسلام آباد: انسداد دہشت گردی عدالت اسلام آباد نے پی ٹی آئی کے سنگجانی جلسے سے متعلق مقدمات میں عمر ایوب، زرتاج گل اور دیگر رہنماؤں کے ناقابل ضمانت وارنٹ گرفتاری جاری کر دیے ہیں۔
انسداد دہشت گردی عدالت کے جج طاہر عباس سپرا نے کیس کی سماعت کی اور عمر ایوب، زین قریشی، زرتاج گل اور علی بخاری کے وارنٹ گرفتاری جاری کیے۔ عدالت نے متعلقہ رہنماؤں کو گرفتار کر کے عدالت میں پیش کرنے کا حکم دیا۔
شیر افضل مروت کی جانب سے کیس ٹرانسفر کی درخواست بھی دائر کی گئی، جس پر عدالت نے درخواست پر نوٹس جاری کر کے دلائل طلب کر لیے۔
عدالت نے کیس کی مزید سماعت 23 اکتوبر تک ملتوی کر دی۔
