اسلام آباد: پاکستان مسلم لیگ (ن) کے رہنما اور پرائم منسٹری یوتھ پروگرام کے چیئرمین رانا مشہود احمد خان نے کہا ہے کہ وزیراعظم شہباز شریف پاکستانی قوم کو ایک بڑی خوش خبری دینے والے ہیں۔
سماجی رابطے کی ویب سائٹ ‘ایکس’ پر اپنے بیان میں رانا مشہود احمد خان نے کہا، “شکر الحمداللہ رب العالمین، وزیراعظم شہباز شریف پاکستانی قوم کو بڑی خوش خبری سنائیں گے۔”
انہوں نے مزید کہا کہ شہباز شریف کی قیادت میں پاکستان نے پچھلے ڈھائی سال میں جو کامیابیاں حاصل کی ہیں، اب وہ وقت آ گیا ہے کہ ان کامیابیوں کا فائدہ عوام تک پہنچایا جائے۔
رانا مشہود احمد خان نے اس حوالے سے مزید تفصیلات دیتے ہوئے کہا کہ ایک انقلابی ریلیف پیکج تیار کیا جا رہا ہے، جو پاکستان کے ہر گھر کی خوش حالی کو یقینی بنائے گا۔
