راولپنڈی: جی ایچ کیو حملہ کیس میں انسداد دہشت گردی کی خصوصی عدالت نے دو وکلاء کو بانی چیئرمین پی ٹی آئی عمران خان سے ملاقات کی اجازت دے دی ہے۔ جج امجد علی شاہ نے وکلاء فیصل ملک اور حسنین سنبل کی درخواست منظور کرتے ہوئے حکم دیا کہ آج جمعرات کو اڈیالہ جیل میں عمران خان سے ملاقات کروائی جائے۔
عدالت کے مطابق جی ایچ کیو حملہ کیس میں وکلاء کی کلائنٹ سے مشاورت آئینی اور قانونی تقاضا ہے۔ سپرنٹنڈنٹ جیل اڈیالہ کو ہدایت کی گئی کہ ملاقات کروانے کے بعد کل جمعہ تک عمل درآمد کی رپورٹ عدالت میں پیش کی جائے۔ وکلاء کو عدالتی آرڈر فراہم کر دیا گیا ہے اور انہیں آج ہی ملاقات کی اجازت مل گئی۔
