لاہور: سیکیورٹی خدشات کے پیشِ نظر بانی چیئرمین پاکستان تحریکِ انصاف کے مقدمات کی آئندہ سماعتیں اب اڈیالہ جیل سے ویڈیو لنک کے ذریعے منعقد کی جائیں گی۔
ذرائع کے مطابق محکمہ داخلہ پنجاب نے جیل انتظامیہ کی سفارش پر ویڈیو لنک کے ذریعے سماعت کی باضابطہ منظوری دے دی ہے۔
ذرائع کا کہنا ہے کہ نئے فیصلے کے تحت بانی پی ٹی آئی آئندہ تمام عدالتی کارروائیوں میں اڈیالہ جیل سے ہی ویڈیو لنک کے ذریعے شرکت کریں گے۔
محکمہ داخلہ اور جیل حکام نے اس فیصلے سے متعلق تمام متعلقہ عدالتوں کو آگاہ کر دیا ہے، جبکہ ویڈیو لنک نظام کو فعال بنانے کے لیے تمام تکنیکی انتظامات مکمل کر لیے گئے ہیں۔
