ملتان (سپیشل کرائم سیل) لودھراں اور ملتان کے آن لائن جواریوں کے بارے میں سائبر کرائم ایجنسی سے بھاری ڈیل کی افواہیں بلال بالاخر درست ثابت ہوئیں اور انہیں ڈیل کے بدلے ڈھیل دے دی گئی۔ زور تفتیش اور سہولت کاری کے باعث ملزمان کو جوڈیشل کر دیا گیا اور ریمانڈ کا معاملہ ختم ہو گیا۔ لودھراں اور بہاولپور کی یہ دونوں پارٹیاں بڑے پیمانے پر آن لائن جوا کے علاوہ جعلی کرنسی کے کاروبار بھی ملوث ہیں اور اس بارے میں ایف آئی اے اور سائبر کرائم ایجنسی کے افسران مکمل طور پر آگاہ ہیں مگر پردہ پوشی کرتے رہے ہیں۔ این سی سی اے نے راؤ ماجد و دیگر کو گرفتار تو کر لیا مگر مزید ریمانڈ کی بجائے ڈیل کے ذریعے ڈھیل دی گئی۔ بتایا جا رہا ہے کہ کہ ڈیل کے تحت ان کے اثاثے، اکائونٹس اور ملک بھر کے علاوہ پاکستان سے باہر موجود ان کے نیٹ ورک کی چھان بین مکمل طور پر روک دی جائے گی اور تفتیش میں مرحلہ وار سہولت کاری کی جائے گی۔اس ڈیل میں لودہراں ملتان کے چند وکلا ۔معززین تاجر رہنما اور پولیس کے اعلی ایک عہدے دار اور لودہراں میں مسلم لیگ کے ایک سابق چیرمین کا اہم کردار ھے۔ یہ بھی معلوم ہوا ہے کہ سائبر کرائم نچلے عملے سے ان لوگوں کے خفیہ روابط پہلے ہی سے موجود ہیں۔ تحقیقاتی اداروں کے نچلے عملے کی اشیر باد کی وجہ سے راؤ پرستار چند ہی سال میں لودھراں کے معمولی شہری سے اربوں کے مالک بن چکے ہیں اور اب ان کا یہ نیٹ ورک دوبئی برطانیہ اور ڈنمارک تک پھیلا ھوا ھے جبکہ پاکستان کے تمام چھوٹے بڑے شہروں میں متعدد بکیے ان کے فرینچائزی کے طور پر کام کر رہے ہیں ۔ان دونوں بھائیوں کو لودہراں کے معززین اور سادہ لوگ انویسٹمنٹ کے نام پر بھی بھاری رقوم سرمایہ کاری کے لئے سود پر دیتے ہیں اور سیاسی جماعتوں کے عہدے دار نہ صرف ان کی پشت پناہی کرتے ہیں بلکہ ان کے سہولت کار اور انوسیٹر بھی ہیں۔ ان دونوں بھائیوں نے لودہراں کے بہت سے لوگوں کی جیبیں خالی کی ہیں میونسپل کیمٹی کے اہلکار کنول مسیح کو صرف دس لاکھ دے کر ان سے لودہراں کے تاریخی آثار قدیمہ ٹبہ تلواڑا کا سرکاری رقبہ بھی جعلی کاغذات پر اپنے نام کروا کر وہاں فارم ہاؤس بنا رکھا ہے لودھراں پولیس کا ٹارچر سیل بھی کئی سال سے قائم ہے اور لودھراں ملتان و بہاولپور پولیس کے کاریگر ایس ایچ اوز متعدد ملزمان کو کئی کئی ہفتے یہاں رکھ کر تشدد کرتے ہیں اور بھاری معاوضہ لے کر چھوڑتے ہیں کیونکہ ان کے کیونکہ پولیس والوں کے کھانے پانی حتی کہ تفریح طبع کا انتظام بھی ان جواریوں کے ذمہ ہوتا ہے۔ بتایا جاتا ہے کہ انہوں نے بہاولپور میں بھی ایک کئی کنالوں پر محیط ایک کوٹھی بنا رکھی ہے جہاں پر اعلیٰ افسران کو بلا کر شب بیداری کی محفلیں سجائی جاتی ہیں اور پھر انہیں افسران سے جائز ناجائز کام لئے جاتے ہیں۔ اس قسم کی واردات ایک سابق اے ڈی سی جی کے ساتھ بھی ھو چکی ھے جن کی مخصوص ماحول میں انہوں نے فلم بنا لی تھی۔ اسی طرح انہوں نے ملک صابر آرائیں کی زرعی زمین ہتھیا رکھی ہے۔ ان دونوں بھائیوں کے خاص کارندے جو عوام کو پھانستے ہیں ان میں ایک ملک اسماعیل ارائیں اور شہزاد نامی شخص سرفہرست ہیں۔خفیہ پولیس کے ذرائع کے مطابق اگر ان جواریوں کے فارم ہاؤس کی نگرانی کی جائے تو لودہراں سے جرائم کا مکمل طور پر خاتمہ ممکن ہے۔
